Профил на организацијата

Образовниот Информативен Центар е невладина и непрофитна организација која делува во областа на меѓународното образование. ОИЦ е основан од страна на фондацијата Институт Отворено Општество - Македонија и финансиски е поддржан од Одделот за образование при State Department на САД / Американска Амбасада.

ОИЦ претставува продолжение на Студентскиот информативен центар кој функционираше како засебен проект во рамките на ИОО-Македонија и тоа во Скопје од 1996 г. и во Битола од 1997 г. Центарот во Битола како филијала на ОИЦ Скопје функционира се до крајот на 2003 год.

Мисија

Активно учество во процесот на градење на отворено и демократско општество преку информирање на македонската јавност за образовните можности во странство и поттикнување на академската популација за нејзино поголемо инволвирање во светските образовни трендови и текови, за размена на знаења и искуства, како и нивна имплементација во нашата земја.

Цели

• воведување на особен пристап за ефективно и ефикасно задоволување на потребите на средношколците, студентите, професионалците од различни области и универзитетскиот кадар;

• поттикнување на процесот на интеграција на македонската академска заедница во меѓународната;
истражување, спознавање и информирање на македонската јавност за најновите трендови во меѓународното образование;
поттикнување на соработка со образовни институции во светот кои дејствуваат во полето на меѓународното образование;

• поттикнување на меѓукултурната и образовната размена на знаења и искуства;

• истражување и испитување на нови можности за финансирање;

• проценка и евалуација на корисноста на постоечкиот библиотечен фонд и неговата надградба според потребите.

Контакт:

Образовен информативен центар Скопје
Иво Рибар Лола 42б/2-3
П. фах 520
1000 Скопје
Р Македонија
тел/факс: +389 2 3246 304
e-mail: oicsk@oic.org.mk; petrusev@oic.org.mk

ОИЦ Скопје работи секој работен ден од 09.00- 16.00 часот.
Приемно време на странки: 10.00- 14.00 часот